Diahuebs, Directie Economische Zaken, bao di su Unit Exprodesk, a culmina cu un serie di workshop, dirigi na e industra creativo y door di esaki kier a haci un ceremonia pa gradici tur nan stakeholder y partnernan cu a yuda haci e tayernan aki posibel. El a tuma ayudo na un y tur cu a duna di nan parti cu esaki berdaderamente por a yega na e musico, na e productornan, na e compositornan. Kier a tuma e momento pa gradici nan y tambe kier a gradici prensa. Kier a gradici tur e expertonan tambe cu a duna di nan tempo pa bin haci e tayernan aki posibel, segun Sharon Meijer, policy advisor di Buitenlandse Economische Betrekkingen.
Kico a siña for di dje
For di e tayernan aki, e cosnan mas importante cu a haya ta cu for di expertonan musical di exterior, a bisa cu na Aruba nos talentonan ta riba e standardnan pa exporta. Cu e calidad no solamente di e musica, di e composicion, pero tambe di e ritmo, e videoclipnan, nos tin hopi talento y e calidad ta up to par cu standardnan internacional.
Contribucion
Den esaki Exprodesk no solamente ta duna tayer y informacion, sino tambe guia y den esaki ta hopi contento di por anuncia cu ya desde dia 22 di October, na radio WDNA, e cinco artistanan cu a wordo escogi pa e consultant aki cu a bin for di exterior pa midi e industria musical na Aruba a cuminsa wordo toca y esaki tin un range pa full South Florida. Cinco artista cual ta Claudius Philips, Buleria representa pa Rocco Franken, Diedrick, Karixon y tambe Cesar Olarte, nan musica ta zonando na South Florida.
Kico ta spera
Tin diferente proyecto den pipeline pa 2018. Manera semper ta bisa, e cuponan ta limita. Tin pa cuminsa e aña cu ta bin aki pa servicio. Diferente otro industria, door cu kier bay specifico y tackle cada industria nan bottleneck cu nan tin. Cada biaha ta scoge un industria e ora por bay mas specifico y mas profundo, con pa yuda nan. Ta bay cuminsa na Januari cu un serie atrobe di workshop. Ta bay e ora ey tambe pa tur industria por ehempel ta duna consultancy, cu ta duna den diseño, tecnologia, arkitectura. Tur ta bay bin un pa un na beurt. Ta bisa sigui nan riba facebook y asina por ta altanto di cada tayer cu lo bin den futuro.
Preocupacion di musiconan
E idea ta pa con pa cuminsa of organisa e workshopnan aki. E prome workshopnan por bisa ta general. Den e tayernan aki ta sinta scucha di nan, kico tabata nan problema. Por ehempel nan tabata hopi entusiasma ora di exporta. Pero e problemanan cu a bin dilanti cu si nan exporta of distribui nan musica via CDBaby, con ta haya proteccion intelectual. Y asina a haci un tayer e ora dirigi na esey. Con ta haya metodonan di pago pa ora cu kier haya payment online. A haci e ora dirigi riba esaki. Como musico of tin ora den e industra creativo, con bo ta haya financiamento. Tambe tabata tin tayer pa esaki di Microfinancing. Y asina tur loke cu bin dilanti den e tayernan aki, ta adapt’e specificamente pa e industria eynan.
