Zulema Dabian-Erasmus ta hoofd di e afdeling, foreign economic relations and developments ta conta cu mester corda cu Departamento di Asuntonan Economico tin dos unit cu ta yuda e empresario hopi di cerca. Tin idea cu ta yuda e empresario cu kier cuminsa cu su negoshi y despues, te ora cu e por para firme riba su pia y tin e unit di Exprodesk, cu ta yuda e empresario cu kier mira pafo di Aruba. Na e momento cu e kier exporta su servicio, of productonan. For di esaki berdad, exprodesk a inicia na September 2017 y e prome proyecto di Exprodesk tabata e tayer di e industria creativo pa asina e artista Arubiano por exporta su creatividad.
Diahuebs loke cu ta haciendo ta entrega e resultadonan di tur e trayecto aki cu a tuma luga. E cinco artistanan cu a tuma parti di e proceso aki, ta haya nan Export plan, cu tin stapnan concreto cu nan por tuma pa asina por exporta nan creacionnan. Banda di esaki, tin tambe diferente stakeholder cu sin nan, no lo por a haci e trayecto aki exitoso. Esakinan lo ofrece un Aruban music industry profile cu basicamente a analisa, con e industria creativo ta actualmente na Aruba. A tuma ehempel di un pais exitoso cu a exporta, den e caso aki musica, nan creacion musical. Y asina a compara y lo duna recomendacionnan con nos na Aruba por sigui promove e industria creativo pa asina nan por exporta nan creacion.
Exposicion internacional
E calidad tey, e nivel tey. Ta e guia nan mester y Exprodesk no ta haciendo esaki su so. Berdad ta guia empresarionan y duna informacion corecto. Pero mester haci esey cu diferente instancia. Instancianan gubernamental y instancianan priva. Esey ta e intencion. Esey tabata e intencion y lo ta e intencion na 2018 tambe.
