Na prome lugar nos kier a desea for di Ateliers ‘ 89 Academia di Bellas Artes Aruba y Stichting, tur nos amigon, amiganan, alumnonan, artistanan, amantena di arte, tur nos sponsernan y publico en general un Feliz Aña 2021, Presentando e obranan recién di cinco artista jong trahando o studiando internacionalmente den nos White Box na Ateliers ’89. Nos ta hopi contento di por trece e muestra aki den un exposiocion vibrante di nos ex alumnonan y otro artistanan jong internacional, na Ateliers’89. Pesei atende y no perde e oportunidad unico aki pa bin mira y gosa e obranan cu lo wordo mustra y comparti pa e artistanan pesente. Aki ta sigui un introducion pa Efrem Angela pa cu e exposicion:
NOBO / BIEUW ta un reflexion tocante e cambio di e aña bieuw pa e nobo. Un speling cu e lema Hulandes “Oud en Nieuw”. Literalmente e ta wordo traduci como Bieuw y Nobo; e pasamento di e aña pasa pa esun cu ta bin.
E Obranan ta revolvi rond e intercambio no di e aña sino e confrontashon di e dos versionnan di nos mes. E NOBO BIEUW den transicion.
Jim Biegstraten ta presenta trabownan cu ela cuminsa prome cu ela bay studia afo. Awo cu e tey bek ela bolbe bishita e pinturanan, materialnan y metodonan bieuw cu esunnan nobo. Su pinturanan a dura añas pa traha, ya cu nan tawata den un stado di reposo te awo.
E pinturanan di Amy Biegstraten ta trata di su crecimiento y cambio. Nan ta mustra su ruta como pintora y ta mustra tur e error y progreso cu ela experiencia. Nan ta un timeline cu ta sigui su practica artistico.
Efrem Angela ta un fotografo y su obranan ta mustra partinan di e isla cu ta parce untouched. Areanan caminda e ta sinti un conekshon profundo cu su antepasado y e historia di e isla. Hopi a cambia desde cu ela bay na 2009 y e luganan aki ta parse e unico cosnan cu a keda mescos.
E trabownan di Pénélope Hémon tin te maken cu e fragilidad y e protection di nos sernan keri. Su objectonan sculptural ta practico y traha pa wordo utilisa. Nan ta trata di e formanan cu nos ta purba garantisa seguridad contra menasanan di tur dia, concentrando riba e interaction y condicion humano.
Colin Oord su filmnan tin te maken cu e falta di identidad. Ela keda varios aña sin bin bek, caminda cu e isla a pasa door di un cambio masha lihe. Hopi luganan y conan familiar pe a disaparese. Su obranan ta touch e temanan di post-kolonialisme, memoria (colectivo) y e banalidad di existencia diario.
Nos ta spera cu boso por join nos durante e show (siguiendo tur e precaucionnan pa garantisa seguridad pa tur).
