Tabata tin un situacion cu a presenta, caminda cu un ex trahado a bin na Caribbean Drip Irrigation, cu un bat di baseball, comete basta daño na e propiedad aki, cu intencion di busca un di e hefenan di e negoshi aki, pa agredi, relaciona cu un pago pendiente despues e mes a nenga di haci un of otro trabao cu nan a dun’e.
Alberto Klaber, director di e compania a conta cu e tabata trahando na un High Rise Hotel cual trabao tin cu wordo entrega pa diaranson. Klaber a wordo yama cu e informacion cu un ex tratado cu a traha cuater dia pasa, cu el a benta e uniform afo y a bin cobra su placa.
Na momento cu el a acerca un otro empleado, e tabata na telefon y a pidie pa warda un rato. E ex trahado a bis’e cu e no sa ken e ta y a bay afo busca un bat den su auto y a bay bek.
E ex empleado a causa basta daño. Awo acumulando e uniformnan cu el a benta afo y e daño cu el a haci, e tin cu saca su som cuanto e lo tin cu paga bek.
Caribbean Drip Irrigation tin varios hotel como cliente y varios biaha ta switch e trahadonan di hotel pa hotel, y vooral den e caso aki cu ta tempo di fiesta, ta exigi hopi mas di nan.
Tur e trahadonan cu ta bin traha, ta via DPL y e ex trahado tambe ta bin via DPL. Unico cos cu ta rekeri for di DPL, pa e personanan ta sano. CDI no ta mind ex adictonan, pero ta exigi di nan drugtest, basta cu nan traha bon.
Klaber y e trahado a bay recherche pa entrega keho. Tambe tin cu entrega un verslag kico ta e daño haci y e video traha. Awo recherche ta bay traha un process verbaal riba e caso aki.
E colega di Klaber a splica cu el a core pa su bida, mirando e menasanan cu e ex trahado a haci. Awor aki ta spera husticia den e caso aki. Klaber a conoce cu no a verdiep den e pasado di e ex trahado aki. Nan a yega di tin ex adicto trahando cu nan, y por bisa cu te dia di awe, tin tres ex adicto cu ta clean, trahando mas cu 10 aña cun’e. A duna hopi di nan chens y tur hende merece un of dos chens den bida. Tin hende cu no ta siña den e prome caida, pero un dia nan lo realisa cu nan tin cu cambia nan bida.
