Awe tardi 4:00pm, exactamente tres ora prome cu su vuelo sali pa Hulanda, Daphne Lejuez, a presenta na Aeropuerto pa check-in. Na momento cu a publica su intencion, e presion a crece den coalicion, teniendo cuenta cu Ricardo Croes ta sigui malo y no apto pa traha ainda. A manda yama Lejuez y un colega di Fraccion di MEP a bay busk’e y trece Parlamento pa sigui cu tratamento di e presupuesto 2019 di Finansa, di Enseñansa y e ley di Reforma Fiscal.
E tension actual ta cu coalicion MEP-POR-RED mester di 11 asiento pa por yama reunion y sigur pa sostene un ley. Pa un rato awe tabatin solamente 10 miembro, pa cual e reunion a cuminsa awo 5 ora lat, haciendo casi imposibel pa e reunion keda cla den e tempo stipula. A programa pa start e reunion dor di 1:45pm awe.
Minister Lampe a confirma cu Ricardo Croes ta sigui malo y lo no bin awe ainda. Consecuentemente a haya nan mes ta convence Daphne Lejuez pa e no subi avion mas y regresa trabou.
Probablemente a convence e Parlamentario pa bay cu vakantie ora Parlamento baha cu “reces”, cu ta aki dos dia mas, si keda cla cu Presupuesto 2019.
