Ex miembro di Parlamento pa partido PPA, Glenda Gil, a haya su mes envolvi den un accidente awe mainta net patras di e e edificio monumental di Censo y Registro Civil na Playa. E ex politico, awendia pensiona, a bay “horta un shot” y pasa den verboden pa e por sali mas lihe y a causa un accidente na e crusada schoolstraat y oranjestraat. No tabatin herido y daño material tabata limita.
Na su defensa, e ex Parlamentario a bisa na e sitio cu e tin hopi tempo sin bishita Censo y no tabata sa cu e situacion di trafico eytras a cambia y cu e caminda a bira di un solo direccion. El a hustifica cu e ta biba na Noord y no ta frecuenta mucho den Playa. El a disculpa cu e chauffeur di otro auto y via seguro a regla tur asunto.
