Pa motibo cu na Aruba falta hopi conocemento di ofishinan di antes, Stichting Monumentenfonds Aruba a organisa for di 23 di september pa 3 di october un curso di Basic Level Traditional Masonry Course dirigi pa expertonan di Trinidad y Tobago, tocante e uzo di kalki pa restaura monumentonan.
Na mesun momento SMFA a cuminsa cu un trabou di restauracion di e forno di kalki, den Rancho.
A parti e curso den sesion, cu ta e parti teoretico y a finalisa cu e parti practico. Di e forma aki e participantenan a yuda un poco tambe den restauracion di un monumento importante den historia di Aruba. A uza material special y cu ta wordo trata di un forma special pa construi. Un material cu a stop di uza casi 100 aña pasa.
Diahuebs 10 di october di 5:00 pa 6:30 na Museo Arkeologico (auditorio) SMFA a haci entrega di e certificadonan na e participantenan.
Un total di 17 persona cu hopi interesa pa cultura y ofishinan di antes a participa den e curso aki.
