E situacion actual di COVID-19 na Aruba, unda dia pa dia e casonan ta bahando, a pone cu e trabounan relaciona cu
COVID-19 awor ta den un fase manehabel. Entrante mañan diamars dia 28 di september, e seccion di Enfermedadnan Contagioso di Departamento di Salud Publico ta habri nan porta bek pa publico y ta reaunuda tur nan servicionan cu anteriormente a limita.
Seccion di Enfermedadnan Contagioso ta brinda diferente servicio manera entre otro, aplicacion di diferente otro vacunanan (cu excepcion di e vacuna di COVID), test di PPD/Mantoux y regla test medico pa DIMAS.
Pa busca otro tipo di vacuna cu no ta COVID ta necesario haci un cita via 5224239 / 5224241 of por e-mail na [email protected]. Pa loke ta trata e test medico di DIMAS mester manda un e-mail na [email protected] y lo comunica cu e cliente cu demas instruccion.
Seccion di Enfermedadnan Contagioso ta habri di dialuna di diabierna parti mainta for di 7:45 am pa 11:30 am y parti atardi for di 1:15 pm pa 3:30 pm. Pa mas informacion por yama Departamento di Salud Publico na telefoon 522-4200 of por e-mail seccion di
Enfermedadnan Contagioso na [email protected].
