Dialuna durante e accion di e sindicatonan contra postura di gobierno pa loke ta e recorte salarial, nan a marcha direccion Bestuurskantoor.
Grandi tabata nan sopresa, ora cu varios agente policial a blokea entrada di e sindicalistanan pa asina nan no drenta den Bestuurskantoor. Algo cu sigur no a cay na mucho agrado di sindicalistanan. No mester lubida cu semper tur gobierno a bisa cu Bestuurskantoor su portanan semper lo ta habri pa e pueblo di Aruba.
Awo cu e sindicatonan ta pone presion riba gobierno, a dicidi di manda busca baricada pa asina niun hende no tin acceso na Bestuurskantoor.
