Awe mainta tin un reunion publico tumando luga den parlamento riba e contract di LNG Eagle y WEB Aruba NV. Den esaki, varios miembro di oposicion a trece nan preocupacion pa dilanti ora cu un miembro di partido MEP a manda un peticion pa tene un reunion cu e expertonan di WEB como tambe Eagle LNG. Varios miembro di oposicion a vocifera cu ya ta laat pa haya tur e informacion aki debi cu tur cos ta firma caba.
Tabata parlamentario Hendrik Tevreden kende a haci dicho peticion. Asina el a expresa cu, cu tur respet, e no kier tende ningun minister papia sino e expertonan mes. Pues segun el a splica, ta nan ta esunnan cu enberdad por splica nan kico henter e procesa ta encera. Riba esaki, presidente di parlamento, mr. Edgard Vrolijk a puntra si tin algun obhecion riba e peticion. Ningun miembro di oposicion ni tampoco di coalicion tabatin obhecion riba esaki pero tanto lider di fraccion di MAS, Accion 21 y AVP a expresa cu ya ta laat pa realisa esaki si tur cos ta firma caba. A probecha pa bisa tambe cu e reunion aki lo mester a tuma luga prome cu e firmamento di e contract.
Lider di fraccion di AVP, Mike Eman, a bisa tambe cu nan no ta opone e reunion pero cu si ta pidi pa haya tur documento relaciona cu esaki ter inzage debi cu no por tene un reunion asina sin cu parlamento tin bista riba tur esakinan. Na su turno, lider di fraccion MAS, Marisol Lopez-Tromp a haci un peticion pa no bay ‘schors’ e reunion cu ta tumando luga riba LNG pa tene esun di COHO ya cu e ultimo aki por hacie mas despues tambe pero cu aworaki, ta esun di Eagle LNG y WEB ta locual ta importante.
Loading…
Reload document 
Open in new tab Tambe a probecha pa bisa dibiaha cu, no tin obhecion pero esaki mester a tuma luga prome cu firmamento.
Pa cobertura mas amplio lesa edicion di TREMPAN mañan.
