Headlines Group e aña’ki, pa parada di carnaval, a dicidi di bay “all out” cu transmisionnan bibo, al estilo di un “live” di television. Cu un elenco di casi 10 presentado di 24ora.com, TREMPAN y Enfoke a subi caya diabierna merdia unda cu e noticiero mas popular di Aruba tabata “live” for di Vondellaan.
E website mas mira na Aruba y e di dos miho mira den henter Caribe Hulandes, 24ora.com, tabatin transmision bibo, e prome, di e parada di scolnan primario y basico di Playa y despues a sigui cu e noticiero Enfoke, cu su presentadonan Speed Andrade y Patrick Paskel.
Tabata un locura pa mira e popularidad di e dos personanan radial aki y tambe 24ora.com. A probecha di e momento pa reparti e cup nobo cu a introduci pa e temporada di carnaval y riba e cup tin e slogan: Manera bolo preto na bruid.
For di tur skina siguidonan di e tres productonan di e plataforma Headlines Group tabata yega na busca nan cups. Dado momento trafico a pega formal for di e kavel di 24ora.com te na La Salle College pasobra tur hende kier a pasa busca nan cup y e diferente premionan cu a parti hunto cu nan patrosinadonan.
Keda pendiente pasobra 24ora.com lo ta LIVE un biaha mas diasabra anochi pa Lighting Parade hunto cu su team di presentado y reporteronan. Na un solo punto ta haya tur informacion di carnaval y noticianan cu ta tuma luga rond.
Pa otro siman diabierna, atrobe lo presenta Enfoke for di Vondellaan, partiendo cups y regalo atrobe. Yega trempan!
