Aruba ta acercando na un crusada pa tuma un decision cu lo tin un impacto social, economico y financiero pa e proximo generacionnan.
Diabierna ultimo, dia 31 di juli pa 3:00pm, Refineria di Aruba (RdA), hunto cu Notario, a publica e lista di empresanan registra cu respecto na e licitacion publico pa REOI-1 (actividadnan relaciona cu petroleo) y REOI-2 (actividadnan no relaciona cu petroleo). Un di e companianan registra, acepta y aproba pa REOI-2 ta e compania local QESH IPR NV, cu ta consisti den un consorcio cu ta e resultado di un iniciativa cuidadano di Aruba.
E enfoke den e proposicion presenta pa QESH IPR NV ta energia renobabel, berde y sostenibel, mediante e desaroyo y instalacion di un combinacion integra proba mundialmente y ya existente di tecnologianan limpi, almacenamento di energia y produccion di combustibel solar berde, un proyecto integra di energia solar concentra di 120 MW (den adelante ICSP) na Aruba. Esaki por combina cu e integracion di red di turbinanan di ELMAR/WEB existente, e molinanan di biento na Vader Piet y e Parke Solar.
E proyecto aki por desaroya den combinacion cu actividadnan di procesamento di petroleo of unicamente como un proyecto alternativo di “Energia Limpi y renobabel,” esey ta un decision dificil cu e comision di RdA mester tuma,” segun Bernd Zalewski, director strategico y miembro di e consorcio ICSP.
E proyecto ICSP lo trece un industria berde pa Aruba, menos costo di energia y oportunidadnan comercial nobo innovado cu un gama di empleonan nobo. E lo beneficia e crecemento economico y social di Aruba, tanto pa e residentenan actual como pa e generacionnan cu lo bin. Ademas Aruba lo ta e pionero, e Centro di Caribe y e punto di referencia pa energia renobabel, berde y sostenibel di rendimento halto pa e region di Caribe y hasta pa Latino America.
Tecnologia proba di ICSP, alinea cu e obhetivonan mundial sostenibel di Nacionnan Uni
Varios estudio petrolero manera na Dubai, Saudi Arabia y Kuwait ya a inverti den plantanan ICSP y lo tin hopi mas den futuro. E paisnan aki di Golfo ya ta preparando pa un futuro liber di combustibel fosil. Na momento di presenta e proposicion, a tene na cuenta tur e rekisitonan estableci pa RdA y tambe e rekisitonan aki ta alinea cu e 17 obhetivonan mundial sostenibel defini y estableci pa Nacionnan Uni.
Loading…
Reload document 
Open in new tab Aruba tin tur e elementonan natural di oro: solo, biento y awa. “Pakico no uza tur?”, Joey van den Berg, director comercial y miembro di e consorcio ICSP ta bisa.
E puntonan di benta tecnico di e proyecto ICSP pa Aruba ta:
* E tecnologia ICSP por recolecta energia di solo, cu por uza pa genera coriente basa riba energianan totalmente renobabel.
*E tecnologia ICSP ta basa riba un toren solar central cu ta enfoca e luz di solo riba e paraboliconan circundante of spiel atrabe si cual ta recolecta e energia, di eynan e aspecto di “concentracion” di su nomber.
* E tecnologia ICSP ta permiti e “almacenamento di energia” y e reduccion di pieknan pa garantisa un suministro di energia continuo, incluso di nochi y ora cu ta yobe; uzando e sistema di almacenamento di salo incorpora pa e produccion di energia anochi y na momento den cual solo no ta briya (entre 14 y 16 ora di almacenamento di energia).
* For di e sobreproduccion di energia, por produci combustibel solar berde concentra y genera electricidad di e siguiente manera: hidrogeno, gasolin, diesel, kerosin y metanol.
Esakinan por uza pa e mercado interno, como tambe pa productonan di exportacion, esey lo tin un impacto positivo den e presupuesto financiero di Aruba.▪ Un di e formanan opcional di uza e exceso di energia di calor ta excedi di e turbina di vapor ta uza e energia cu e fin di desalina awa di lama. E recurso hidrico aki por wordo distribui como awa portatil pa residente y empresanan comercial di Aruba por uza.▪ Crea un parke Biologico Horimari y Maricultura, ofreciendo e industria alimentario oportunidad di inverti den e desaroyo di e produccion marina, pisca, cocolishi, alga, etc.
Pa logra nos vision di converti den un utilidad sostenibel innovado di clase mundial, nos ta trahando pa establece e sostenibilidad como “roadmap” pa sigura un futuro mas briyante, miho y mas feliz pa Aruba, mediante e lansamento di iniciativa y proyectonan di clase mundial distingui den e desaroyo berde,” Theo Leurs, Director Tenico y miembro di e Consorcio ICSP a conclui.
Impacto economico y social, beneficio y oportunidadnan pa Aruba ora inverti den e proyecto ICSP
Ora inverti den e proyecto di ICSP renobabel y ecologico, Aruba lo contribui na e diversificacion di e economia y e resiliencia economico y lo crea un di dos of hasta un di tres modelonan di ingreso ademas di e industria di turismo. E proyecto lo resulta den menos costo di energia pa e ciudadanonan di Aruba y su negoshinan. Lo tin incorporacion di contratistanan local unda cu ta posibel pa por logra economianan di escala y reduci costo local. Ora cu esaki ta completo, e proyecto lo reduci toneladanan di emisionnan di carbon anualmente. Por ultimo, pero no menos importante: e creacion di un Centro di Desaroyo di Conocimento y Innovacion di Capacitacion Renobabel, Berde y Sostenibel tambe por ta rendabel y interesante pa Aruba pa atrae empresanan externo, studiantenan internacional y cientifico.
E proyecto ICSP tambe por ta e oportunidad di conecta cu iniciativa y proyectonan renobabel, berde y sostenibel di Hulanda. Esaki siguramente lo crea un balor agrega y lo reforsa e proyecto ICSP. “E por ta hasta un “anteproyecto” pa e otro islanan di Reino, pasobra simplemente nan ta luchando cu e mesun problemanan cu Aruba,” segun Bernd Zalewski.
E proposicion aki di QESH IPR NV ta un proyecto di energia berde strategico relevante cu beneficionan grandi a corto y largo plazo pa Aruba. Hunto cu e partinan interesa local relevante, e proyecto ICSP realmente por celebra e agenda berde di Aruba.
