Durante algun entrevista riba caya, por a conclui cu practicamente tur hende ta di acuerdo pa uzo di tapaboca (Mondkapje). Esaki como un forma pa cada persona protege su mes y otronan pa contagio cu e virus di Covid-19.
E team di 24ora.com a subi caya pa combersa cu algun hende y por bisa cu no tin diferencia den e opinionnan riba e uzo di e tapaboca. Aworaki Gobierno ta haci un apelacion fuerte na ciudadanonan pa haci uzo di esaki, pero nan ta kere cu e ta algo cu mester ta obligatorio.
Uzo di esaki, mantencion di distancia social y un bon higiena, ta e unico practicanan cu por hiba awo pa cada persona por trata di evita di keda contagia cu e virus. Nada ta 100% sigur, ni e tapaboca. Banda di esey tin medida, cu ta estricto pa restaurantnan pero pa otro negoshinan e no ta asina estricto.
Un minimo di persona tabata di e pensamento cu mester cera fronta. Mayoria ta kere cu e ayudo cu ta haya na e momentonan aki for di Hulanda, lo no ta pa semper. Aruba mester di e turista cu ta trece placa pa draai den e economia di e isla. “Cera frontera di Aruba no ta e miho opcion pa motibo cu Aruba mester di e turista y productonan pa abastece su mes,” un di e personanan a comenta,
