Elsa Rozendal di MAN ke sa kon a para ku e lei pa duna trahadó promé derechi pa kobra su salario den kaso di faillisement

Resientemente Rozendal a tuma nota den un vespertino ku trahadónan di Hotel Otrobanda nò a kobra nan salario for di yüni último. Esaki a kondusí ku trahadónan nò ta aseptá e situashon aki mas i a pone ‘ultimatum’ pa e hotèl paga nan salario sino nan ta haña nan mes obligá pa pidi “fasillisement” di e hotel en kuestion.

Rozendal ta bisa ku nos konosé varios ehèmpel di trahadónan ku ta keda perhudiká na momentu ku un kompania òf hotèl bai fayit òf keda deklará fayit. Kasi tur biaha ta e ‘crediteuren’ ta promé pará den rij pa kobra loke por kobra ainda i nò tin garantia ku ta sobra pa trahadónan haña salario atrasá.

Den e kuadro aki Rozendal a hasi minister di Asuntunan Sosial, Labor i Bienestar algun pregunta. Entre otro e parlamentario a puntra kon ta pará ku e lei pa protehá e trahadó den kaso di faillisement di un kompania i ki dia Parlamento por spera e lei aki pa keda tratá i aprobá.

 

Comments

comments