Atraco ta algo cu ningun hende kier pasa aden. Lamentablemente ta e caso awe merdia na momento cu un dama di edad grandi a bay usa ATM di un banco na playa y a haye den un susto y perdida di placa inespera.
Diabierna den careda di 3:30pm, un señora di edad halto tabata na turno pa saca placa na ATM di Banco di Caribe situa na … Na sitio por a compronde cu e señora lo tabatin mester di ayudo pa traha cu e mashin y ta momento cu un homber a acerca y brinda su ayudo.
Sin por a spera cu e lo a bira victima. E homber aki a saca un suma basta halto y a ranca bay cu mas o menos awg.700,= for di e señora. Atraco a tuma luga den pleno bista di varios hende na e ATM. pafo di e ATM tabata tin algun hende ta warda nan turno cu a bira testigo di kico a pasa.
Nan a describi un homber grandi, riba bicicleta, bisti na carson blauw cu mondkapje preto y un shirt oranje. El a sali na careda for di sitio lagando e pober señora den un susto grandi. E testigonan a sali tras di e atracado pero no a logra alcance.
E señora a cuminsa bira malo na sitio y polisnan cu tabata na sitio a opta pa transport’e pa atencion medico.
Mientrastanto diferente patruya a cuminsa un buskeda den area di playa.
