“Esaki ta e prome sorteo cu ta alcansa dos miyon florin e aña aki”, asina Ronald van de Berg, director di Lotto di Aruba a duna di conoce un rato pasa. E ta referi na e sorteo # 2385 di Lotto 5 cu a hunga awe nochi. E numbernan cu a sali tabata 17-19-21-23-25 y joker 02, hunto cu letter D.
No tabatin ningun ganado di e prome premio, mientras cu dos hungado a dal e di dos premio di cual cada un lo cobra Afl. 9.115,=, 70 hungado a gana Afl. 159,=, 1532 hungado a gaan Afl. 12,= y 8603 hungado a gana un “free ticket”.
E siguiente sorteo ta tuma luga diasabra dia 6 di mei 2023 y e premio mayo a crece te yega Afl. 2.000.000,=. E aña aki, ningun sorteo di Lotto di Aruba no a alcansa un premio asina grandi ainda. Pero pa Lotto 5 specifico, esaki ta e record, pues si e keda aden un biaha mas, anto e lo kibra su mesun record. Pasobra e premio record di Lotto 5 keto bay ta esun di Afl. 2.000.000,= mientras cu di Mini Mega tabata di dia 27 di juni 2017, ora cu un solo hungado a gana e premio grandi di Afl. 3.700.000,=.
Suerte na tur hungado!
