Aruba por ta orguyoso di su yiu di tera, Egmond Molina. Den apenas algun luna di tempo e ta logra un di dos record di Guiness World Records pa Aruba. Manera ta conoci caba, riba 3 di september ultimo, Guinness World Records a reconoc’e cu “The heaviest weight supported with mouth on parallel bars 90.3 kg”. Un logro no facil, mirando tur e exigencia di Guiness World Records. For di e logro aki, a resulta cu tin un dos record den dje y pronto Molina lo ricibi e reconocimento aki.
Den combersacion cu Egmond Molina, el a conta cu e plannan ta futuro ta pa logra diesdos record pa Aruba, pa cual e lo honra cada un di nan na un bario of districto di Aruba. Lo cera aña 2022 cu dos pero ainda falta dies mas cu ta na caminda. Entre januari 2023 cu maart 2023 lo procesa dos record mas pa Guinness World Records p’asina wak si nan ta honr’e y asina ricibi mas record ainda riba su nomber y pa Aruba.
E di dos record ta bin for di e prome ‘stunt.’ E organisacion no tabata sa mes cu tabatin dos den un. El a wanta su curpa vertical y horizontal cu basta peso. Pues, el a haci dos den un. E record ta dedica na su wela kende tabata su wes’i lomba pero na januari ultimo el a fayece.
Molina ta sinti cu tur locual e ta bezig cu ne, niun hende ta mira, apart di su amigonan riba Facebook. A dicidi di saca tur cos pa mustra mundo su talentonan. E prome record a bay pa San Nicolas y e di dos ta Oranjestad y lo sigui pa Noord, Santa Cruz y mas parti di Aruba. Ta haci esaki pa uni e pueblo, ta sinti cu tin apenas shen pico mil hende riba Aruba y tin un ambiente di discriminacion. Pues, un prome paso pa uni e pueblo cu otro. Molina ta gradici henter su team cu a haci posibel pa ricibi e recordnan aki. E no ta facil, tin cu graba for di diferente angulo, tin cu esaki un time keeper, team medico, hurado y mucho mas.
