EduArts su alumnonan, cu ta haya les di pintamento di e conocido artista, Natusha Croes, ta participa na e exposicion na biblioteca ‘Biba Natura-Lesa!’. Natusha su alumnonan a traha tres obra grandi di 1,5 m X 1,5 m y e composicion ta expresa nan idea tocante nos Naturalesa y cuido di nos Medio ambiente. Tres obra hopi special, colorido y expresivo. E alumnonan a participa tambe na Aruba Art Fair siman pasa. EduArts Fine Arts Elementary & Middle School ta tur Diaranson & Diahuebs di 11:30-1:30pm.
Tur mucha di tur edad por bishita e exposicion aki te cu diabierna dia 2 di december durante orario regular di biblioteca. Ademas tin obra di un grupo di 20 artista, artesano y fotografonan. E obranan ta pone un focus riba bunitesa di naturalesa, e amor pa naturalesa y e necesidad pa cuida nos naturalesa den un manera cu mucha por comprende y aprecia.
N’e exposicion ‘Biba Natura-Lesa!’ a participa: Ad Rekkers, Anita Huygen, Carmen Tujeehut, Gina Jie Sam Foek, Ilse Knijn, Janine Flanegin, Cream of Wu, John Gray, Alumnonan di FAMA cu ta haya les di King Lie Kwie, Alumnonan di EduArt cu ta haya les di Natusha Croes, Nimia Geerman, Omaira Silva, Paul Wong, Robby Solognier, Roelie Groenewegen, Sheila Werleman, Sjoerd Canninga, Vanessa Paulina y Yndirah Luydens.
E exposicion ta den Sala di Exposicion di biblioteca na Playa y ta habri y gratis pa un y tur!.
