Awe Banco Central di Aruba (BCA) ta publica un actualisacion di e ‘Economic Forecast Monitor’ (EFM) riba su website. E EFM ta duna un bista riba proyeccionnan economico, ambos local y internacional, door di diferente institucion. E actualisacion aki tambe ta inclui proyeccionnan local revisa cual BCA a publica anteriormente den su ‘Economic Outlook’. Siguientemente, un resumen di e proyeccionnan aki pa aña 2018.
Na 2018, e economia Arubano ta proyecta pa expande(den termino real) cu 2,7%, bou di e condicion cu e inversionnan relata na e renovacion di e refineria lo wordo haci un tempo. Sin e inversionnan aki, ecrecemento di GDP real ta estima na 1.0%. E lo ta e segundo aña di progreso economico, despues di un crecemento anticipa di 2.6% na 2017.
Ademas, cu un aumento constante di e cantidad di bishitantenan Mericano, emotor di crecemento mas grandi ta keda e sector turistico, cu un 2,4% expansion di ingreso, y cu3,1% mas di turista anticipa.Consumo priva ta proyecta pa expande cu 2,8%, mientras cu e crecemento diinversionnan priva ta calcula na 10,7%,asumiendo cu eaumenta proyecta di actividadnan di refineria lo tuma luga.
Despues di 2 aña di deflacion, Arubalo spera un inflacion minimal di 0,3% den 2018. Nos posicion di reservanan internacional lo deteriora cu Afl.154 miyon, gran parti debi na pagamento di debe.
Riba e frente internacional, proyeccionnan ta indica cu institutonan financiero a bira mas optimista pa cu e desaroyonan economico den e paisnan Europeo. E perspectiva riba ambos e crecemento di e producto domestico bruto (PDB) real y e porcentahe di desempleo (respectivamente 1,9 y 8,6 porciento)pa 2018 ta mas faborabel compara cu seis luna anterior. Especialmente e proyeccionan pa e economia Hulandes ta halto actualmente.
Cu 1,4%, e pronostico di prijsnan den e zona di euro tamodera, cu excepcion di Reino Uni unda e inflacion ta proyecta di surpasa e tasa desea di 2%. E euro ta di aprecia na US $ 1,21 na final di 2018.
E opinion general riba desaroyonan economico na Merca a keda practicamente sin cambio na 2,4%. E pronostico riba inflacion (2,0%) y desempleo (4,1%) ta un tiki mas abou cu seis luna pasa. Entrada disponibel di un ciudadano Mericano probablemente lo aumenta cu 2,3% den 2018.
E estimacionnan pa e economianan den Latino America ta mescla. Ta proyecta e crecemento den PDB real pa baha te na 2,2% den 2018 pa henter e continente. Paisnan cu expectativa di crecemento grandi ta Colombia, Chile y Peru. Desaroyonan economico na Venezuela lo keda negativo pa un gran parti (-3,6 porciento). Inflacion na Latino America probablemente lo ta mas abou cu na 2017, tipicamenteentre 2% pa 4% cu excepcion di Venezuela y Argentina. E economianan Caribense ta proyecta pa crece cu 3,1%, cu un tasa di inflacion averahe di aproximadamente 4%.
Prijsnan di petroleo ta pronostica pa aumenta na un averahe di US$ 54 pa baril na 2018. Adicionalmente e prijs di oro lo keda net bou di e nivel di US$1.300.
| Proyeccion selecta di PDB y prijsnan di materia prima (2016-2018) | |||
| Indicador | 2016 | 2017 | 2018 |
| PDB real (porcentahe di crecemento) | |||
| Aruba | -0,2 | 2,6 | 2,7 |
| Caribe | 2,0 | 2,0 | 3,1 |
| Latino America | -0,9 | 1,3 | 2,2 |
| Mundo | 3,0 | 3,4 | 3,5 |
| Merca | 1,5 | 2,2 | 2,4 |
| Zona Euro | 1,8 | 2,1 | 1,9 |
| Prijsnan di materia prima (averahe) | |||
| Prijs di petroleo (WTI, US$/baril) | 43 | 50 | 54 |
| Prijs di oro (US$/oz) | 1.248 | 1.261 | 1.288 |
| 2016: data actualisa (excepto PDB Aruba); 2017-2018: proyeccion | |||
