Algo pasa di 9:45 PM, polis di Santa Cruz a topa cu un Yaris color blanco numera A-70853 y a duna e chauffeur instruccion pa para y el a nenga e señal di polis.
Ora polis a paga tino tabata e conocido di polis Angela cu ta wordo busca pa husticia. E lo tabata tin un arma di candela den su poder y ta considera un persona peligroso. A cuminsa un persecusion tras di e Yaris y varios patruya a duna un man pa asina por gara e sospechoso Angela busca pa husticia. Esaki tabata tambe den e bario di Nuñe. E Yaris a yega na un dead end y Angela a core drenta mondi. Polisnan a drenta mondi su tras pa wak si ta logra haye. Polis a detene su ruman muhe cu tabata cune den e auto e momento ey.
Despues di basta rato polis pasando den e otro hanchi di e caya a nota un jeep blanco numera A-61020. Tabata tin dos persona aden. Ora polis a bay chek kiko nan ta hasi ey banda, a nota cu ta e mama y e ruman homber di Angela. Mesora polis a tuma nan auto tambe den beslag y despues a core cu nan for di e sitio. A pidi takelwagen pa asina hiba tur dos auto pa balashi. Polis a keda busca pero no a logra haya e sospechoso Angela busca pa husticia relaciona cu delitonan cometi.
