Nos a cuminsa cu e conteo final pa Earth Hour diasabra, dia 25 di maart proximo, for di 8:30 pm pa 9:30 ora local.
Aruba a registra caba como participante, indicando cu esaki lo t’e di 13 aña consecutivo cu Aruba ta participa como pais den evento global especial aki.
Ta invita e comunidad di Aruba pa sigui duna apoyo na Earth Hour tanto na cas of na trabao, den famia of cu amigonan y swich off luz no-esencial y desconectando tur aparato electronico cu no ta uza regularmente of constantemente; tambe por pasa tempo na beach, den cura di cas cu luz di bela, come den famia usando luz di bela, cana rond den un parke.
E hotelnan tambe lo uni y a informa cu nan lo participa door di switch off luznan no-esencial y cu nan lo tin actividad pa turista durante e ora aki.
Earth Hour ta invita cada persona cu ta biba riba nos planeta pa tene e accion aki como parti di nos bida den presente y pa futuro. Ban spaar energía, spaar awa, ban siña recicla berdaderamente.
Laga nos mustra nos solidaridad pa nos mama Tera, e hogar cu nos tur ta comparti y den e forma aki yuda construi un mundo caminda tur persona y naturalesa ta biba den harmonia
Earth Hour Aruba Community ta invita henter pueblo di Aruba pa participa diasabra dia 25 di maart proximo, di 8:30 pm pa 9:30 ora local desconecta y pasa un ora haciendo algo positivo pa nos planeta. Bo ta uni na nos?
Earth Hour Aruba Community ta riba Facebook y Instagram y diasabra 25 di maart por mira tur e actividadnan rond di nos planeta via Youtube en bibo
Youtube :Eart Hour @EarthHour
E no ta trata di cua pais bo ta, pero de cual planeta nos ta bin.