Durante dia e sindicatonan cu ta representa e trahadonan den sector publico , entre otro SADA, SEPPA, SIMAR, SPA, FTA y TOPA a tene un reunion cu prome minister riba e asunto di Presentatiemanagement, pero no tabata di acuerdo cu e ley con e ta hinca den otro pasobra e no ta proteha e trahado.
Mientras tanto, a tuma luga un otro desaroyo, unda cu e sindicatonan a bandona e reunion. Aki a convoca un manifestacion cu ta cuminsa pa 8:00 am na Wilhelmina Park.
Di un otro banda, no por a mira sindicato TOPA presente. Presidente di TOPA, Alonso Tromp, a conta cu TOPA ta bezig cu un reorganisacion, unda cu nan ta para pa principio di positivismo na Aruba y trece un cambio, muy en particular, den sindicalismo.
E lider sindical a comenta cu nan ta kere den e sentido di haci bon. Basa riba esey a scoge pa por a sinta na mesa y busca e solucion p’e miembronan y naturalmente pa tur ambtenaar cu tin y tambe pa pais Aruba.
A logra haya un deal cu Conseho di Minister cu a presenta. 24ora.com/TREMPAN a haya e resultado di e reunion aki, den cual TOPA ta para p’e resultado p’e manifestacion cual nan a pensa pa bin cune pa awe, den cual TOPA tambe tabata di acuerdo pa bin cu ne.
Pero a logra trece dilanti, den cual nan ta kere cu na mesa ta soluciona. A saca un comunicado prome cu a haya for di Conseho di Minister, firma p’e prome minister. A manda e comunicado p’e miembronan, poniendo nan na altura kico e pensamentonan ta y cu e informacion di Conseho di Minister, cual lo yuda e sindicato pa tuma un decision positivo di moda cu tur miembro por sigui traha normalmente sin cu tin mester bay manifestacion.
E carta ta bisa cu a bay di acuerdo cu e sindicato, unda cu lo forma un comision tecnico, cual lo bay traha den cuater pa seis siman pa bin cu conseho, di moda cu nan lo bin cu un solucion pa e resultadonan di e performance management, cual echo TOPA a aproba.
P’e motibo aki mes sindicato TOPA no ta haya ta necesario manifesta. Esaki no a cay den bon tera cerca e demas sindicatonan, cual a opta pa exclui TOPA for di nan propio chatroom, como mal contanto.
Riba e echo aki, a tuma contacto cu presidente di sindicato SADA, Edward Maduro, kende a indica cu e manifestacion ta sigui, manera cu a palabra inicialmente den Wilhelminapark.
Pa mas detaye lesa TREMPAN.
