E nubianan grandi di huma a bira parti di e paisahe di amazona brasileño. E bista colorido y yena di sonido di parha cu ta ilustra e biodiversidad di Amazona Brasileño, a keda den un silencio estremecedor den e areanan destrui pa un inmenso candela cu a come un parti di e selva.
Na mas o menos 150 kilometer di Porto Velho, e capital regional di e estado Amazonico Rondonia, un parti importante di e pais ta kimando den forma continuo pa mas cu 24 ora caba y e candela a come mas cu 5 kilometer di e pais. Memey di esaki, reptil, pisca y otro tipo di animalnan ta trata di huy, algun cu exito y otro no, for di e vlamnan cu ta plamando rapidamente.
E selva di Amazona cu ta plama riba en total 8 pais di Zuid America, ademas di Brasil, ta e ecosistema cu e biodiversidad di mas grandi pa loke ta Fauna y Flora, y tin rond di 10% di tur e especienan conoci na mundo. Awe gran parti di e grupo aki ta bou di vlam.
Indignacion di mundo ta mustra riba e matanan kima, sperando cu Gobiernonan cuminsa organisa maneho cu ta permiti sobrevivencia di e especienan. Mientrastanto, e candela ta sigui core, comiendo matanan y animalnan lagando nan den shinishi.