Autoridadnan a ricibi resultado di testnan manda Hulanda, cu a confirma cu 5 di e casonan di Covid tin e variante di Inglatera. Ta trata aki di 2 persona no-residente y 3 persona residente.
E variante di Inglatera ta dos biaha mas contagioso cu esun original y p’esey autoridadnan ta haci un apelacion riba comunidad pa ta extra cauteloso.
Den e siguiente dianan lo evalua medidanan aplicabel pa e situacion aki. Desde awor limita bishita na famia. Limita encuentronan social. Limita contacto cu otronan, tanto na trabou como pafo di trabou.
“Nos ta bringando un virus invicibel y mes momento hopi serio! Sinembargo e arma pa combati e virus aki ta den man di nos cada un. Cuida bo mes y cuida bo famia”, asina Jurette Croes, vocero di Departamento di Salud Publico a duna di conoce awe diadomingo.
