Tur e amantenan di e fiesta, e wardamento a caba! E mayor evento di beach di aña na Aruba, ‘Boat Fest’, ta bek! E increibel evento di boto, floater, bon musica y fiesta riba beach lo tuma luga diasabra, dia 28 di januari, cuminsando pa 2:00 pm na Surfside Beach Bar.
E Boat Fest di e aña aki lo ta esun mas grandi cu por a mira na Aruba den hopi tempo. E dia lo ta yena di actividad, DJ impresionante y naturalmente, e ofertanan di bucket espectacular. Cu un escenario traha den awa, ta spera musica en bibo di Ataniro, DJ Vibes, DJ Sky, DJ Edje y DJ T. MC Tyson lo ta encarga pa tur hende pasa den grandi durante e evento aki.
P’e bon vibenan continua, lo bo por disfruta di oferta di bucket di Coronita di seis boter pa 25 florin of di 25 boter pa 100 florin.
Tambe lo tin un Coronita Lounge special riba beach pa tur esunnan cu kier refresca mientras cu nan ta disfruta di un ambiente di beach unico.
En cuanto e bucketnan di Coronita y otro bebida, lo ta disponibel den diferente bar situa riba e mesun beach. Asina ta bin cu bo floater, tube, boto y bin pasa pret!
E evento aki ta gratis pa publico y ta patrocina pa Coronita, Moët & Chandon, Hennessy, Fookiu Vodka y Aperoll. Pa mas informacion bishita www.boatfestaruba.com.
