Tur cos ta sigi manera plania pa awenochi Diabierna dia 7 di Oktober 2022 pa e evento Reggae Moonsplash. Ta trata di un anochi cu musica bibo di bandanan di reggae. Entre otro Roots i Riddim y Honeypot lo ta e bandanan responsabel pa entretene e publico cu ta amante di musica di reggae. Tambe durante e cambionan di banda e conocido djs di e programa Rootsie Reggae Show tambe lo entretene tur hende. E anochi aki lo ta luna yen y pa e motibo aki e evento jama ‘Reggae Moonsplash’. E anochi lo cuminsa pa 8 or di anochi y lo tin un cushina cu menu caribense. Ta invita e publico cu ta amante di bon musica, specialmente reggae, dub, ska, dancehall pa disfruta di un anochi unico. Promer cu 9 or, entrada ta 15 florin y despues e ta 25. Lo tin algun tent si acaso awa jobe of por pasa paden. Aunke e pronostico di tempo ta indica cu lo seco despues di 8 or di anochi.
