Alto Comisario di Polis a aproba un klas nobo entrante awe 6 februari 2020. Cuerpo Policial Aruba ta en busca di hobennan cu kier bira Polis. Por cuminsa inscribi pa e estudio di MBO Nivel 4. Si bo ta interesa, mester entrega e formulario personalmente na Scol di Polis (E.J. Watty Vos) entrante awe 6 februari te cu 6 maart 2020. For di 1:00pm pa 4:00pm na Fortheuvelstraat 25 na San Nicolas. NO por entrega e formulario na Wardanan di Polis.
REKISITO:
- Mester tin nacionalidad Hulandes
- Mester ta inscribi na Censo y biba na Aruba
- Edad minimo 17 aña maximo 34 aña
- Haltura di 1.60 meter
- Diploma di EPB doorstroom
- Diploma di MAVO
DOCUMENTONAN:
- Copia valido di un paspoort Hulandes
- Papel di AWG 5,- di Censo
- Copia di diploma (MAVO y EPB doorstroom) y Lista di cifra
- Copia di bo AZV
- Un pasfoto reciente
PRUEBANAN
Prueba di inteligencia, Prueba di idioma Hulandes, prueba di sport, (geschiktheid onderzoek), prueba di psychologo, test medico y na ultimo entrevista di seleccion. Si bo logra tur e pruebanan aki nos ta yamabo binbini na Klas MBO Klas N4-2020
Por haya e formulario riba e pagina di facebook Korpspolitiearuba of na tur Warda di Polis. Pa mas informacion por yama Scol di Polis (E.J. Watty Vos) di dialuna pa diabierna for di9:00am pa3:00pm na telefon 527-3081 of manda un E-Mail na [email protected].
