Rocky Kelly tabata un di e figuranan cu tabata tey na corte, durante tratamento di e caso cu gobierno a entama contra di Michael Williams. El a expresa di ta hopi emociona, pasobra e ta sinti cu ta te awo nan a wordo scucha.
Nan a bay contra full ministerraad, incluyendo e dos ministernan plenipotenciario. E ta 10 contra uno. Den nan pressiegroep of grupo 7, nan por tin diferencia di opinion pero ora di lucha, nan nanishinan ta na e mesun direccion. Nan a bin pa para corupcion. Nan a bin pa bringa corupcion y esey ta nan meta. Nos pais mester ta corupcionproof.
Kelly a sigui splica cu desde cu e resultado di eleccion desde cu e gobierno a sinta, bo ta tende cambio ora cu nan duna opinion. Loke ta fout, ta fout. Tin bon of malo. Pa grupo 7, loke bon ta bon, loke malo ta malo.
Sentencia
E sentencia aki lo ta crucial pa e lucha di grupo di 7. Segun Kelly, ademas di bay gana e caso aki, nan ta bay gana credibilidad. Ora cu nan gana 10 minister, ocho minister cu dos Gevmin, nan ta perde credibilidad. Pueblo no lo kere den nan mas. Awe nan ta pretende cu ta grupo 7 ta verzwak, un procedura di dump. Ta nan corupcion ta stroba e desaroyo di dump. No ta grupo 7.
Caso historico
Karel Arends ta pensa cu e caso aki ta uno historico. El a sinta scucha abogado di minister Otmar Oduber, Michael Kock y no gobierno.
Tambe el a scucha hues bin cu pregunta. El a haya basta kippevel, ora cu el a bisa cu Michael Williams por haci pregunta, por bay den profundad di e openbare meningsuiting. Tin cu bisa cu esey tabata e señal caba unda hues ta bay. Despues hues a laga abogado papia y bin cu topico pisa, ora cu el a bisa cu e handelingnan di e minister, ta minister mester defende esaki. Esey ta caminda cu e barco a sink. Añanan tras di otro, Arends tambe a yega di bisa, cu ministernan ta abusa di nan poder y abusa di e hecho cu gobierno lo por cay, den e caso di Oduber, e tambe a haci’e varios biaha. Aki hues a mustra cu tur loke ta speculacion, Michael Williams mag di tin vermoeden. E ultimo pida cu hues a bisa cu tabata crucial ta cu e palabranan Michael Williams, no por para un proyecto. Esey ta un señal cu e vonnis ta bay bin hopi cla y e ta bay pa historia, pasobra Williams no mester rectifica y di dos e ta habri caminda pa investigacion y mas ainda riba Otmar Oduber personalmente.
Para pa pueblo
Segun Mimi Rosel, e punto ta cu awo si ta basta. Pasobra tin cu wak loke ta tumando luga y esaki tabata un atentado contra di loke ta democracia. Contra di loke ta libertad di prensa. Pakico, pasobra si hues acepta cu Michael Williams no por haci pregunta den direccion di un gobernante, ta nifica cu ningun hende di prensa lo no por haci y señala nan trabao. Hues a bisa e abogado, cu cada biaha cu gobierno wordo ataca nan ta bin corte? Esey ta nifica cu cada biaha ta gasta placa di pueblo pa un hende cu haci un declaracion of algo cu no ta satisface gobierno? Ta preguntanan indirectamente di hues. Pesey pa Rosel, awe no solamente e ta e base cu mester wak, e principio di loke cu ta cu a para pa no mas corupcion.
Rosel a pone un cos bon cla. Ta wordo bisa cu Grupo 7 kier baha gobierno. Nan no kier baha gobierno. Loke cu nan kier ta loke nan a lucha p’e. Nan a lucha pa para corupcion y a lucha pa husticia. Esaki ta loke nan kier mira na e momentonan aki. Durante di e caso, abogado Wilson a señala punto pa punto cu no a cumpli cu ley di contabilidad, no tabata tin destaho publico, etc. Awor aki tin un otro peliger, cual ta e proyecto di Sero Tijshi. No tabata tin un destaho publico pa e mudamento cu ta surpasa 100 mil florin. Kier a mud’e pa eynan, bon. Unda e destaho publico a keda pa scoge un otro luga. Unda esnan cu den pasado, cu si tabata mandatario encarga cu e caso aki, ora cu Otmar Oduber ta bisa pasobra Payback time, Booshi no tabata minister, ta e propio MEP. MEP ta bezig ta auto destrui su mes awor aki. No ta grupo 7. No ta e pueblo. MEP ta sigui acepta cosnan cu no ta bon na e momentonan aki. Rosel no kier bisa cu ta solamente di Otmar, pasobra tin mas cos cu Rosel personalmente tur atardi ta denuncia, cu no ta bon y nan ta sigui haci manera cu nan nanishi ta sangra. Un di nan ta e caso Colindris. Den pasado partido MEP, despues di e asunto di lucht en zeebrieven, a declara sr. Colindris un persona non-grata. Rudy Croes a haci’e. Consehero awe di prome minister a bay cera pa 9 dia pa e asunto. E ora e pregunta ta, si es, pasobra te awor aki ningun hende no kier contesta, ken a paga pa e hefenan y esnan di departamento di aviacion, a bay Geneve. Si ta gobierno a page, e ora gobierno bin bisa kico ta su intensionnan pa cu sr. Colindris. Si Colindris awor aki si ta un clear and nice guy, of ta e mesun guy cu Rudy Croes a yama persona non-grata.
Kier transparencia, kier husticia, kier tur locual cu ta, manera ta bisa, habri. Nada mas di corupcion, e ora por yena boso bisando di integridad.
E caso di Michael Williams ta un ehempel bibo si tin democracia na Aruba si of no. Pasobra awe ta Michael, pero mañan ta cualkier un persona.
