Tabata tin poco interes di abogado local pa defende e acusado Gabriel Martin den e caso Speeltuin. Martin ta acusa y a admiti cu el a maltrata e dos hobencitonan Rishandroh y Eugene Frans, te cu nan a muri y e ta e persona tambe cu a dera un di e muchanan na Savaneta.
Na final, for di Hulanda a bin defensa, pero naturalmente e mester ta representa tambe pa un bufete local. Esaki tabata abogado Demis Illis. E abogado ta Delaly Sechbetsy. El a tuma e curashi pa duna defensa legal na un persona kende kisas na Aruba hopi no kier mir’e. E ta wordo acusa di a causa morto di dos criatura inocente.
E abogado a splica cu e caso aki ta bao di hues y e cliente a tuma su responsabilidad pa loke a pasa. E abogado no a defende kico a pasa, sino defende e cliente.
Defensa
E abogado a splica adicionalmente cu den un caso asina aki, cu un sospechoso lo a bisa cu el a haci’e, ta mira e situacion personal y si e tin cu pasa su castigo na Hulanda of na Aruba.
Circunstancianan
E castigo cu hues a duna, e sospechoso a acepta. El a dicidi caba. Pero por lo general, den e vonnis lo bin e overweging di e castigo y pensa si e muchanan aki ta hoben nan tabata. E cliente ta 19 aña e tabata tin ora cu tur esaki a pasa. A papia tambe cu ta jeugdstrafrecht of ta volwassenstrafrecht. Tur esaki lo aparece riba e vonnis.
Pleidooi
E abogado a splica cu e IQ di su cliente ta hopi abao y tambe su edad. Tambe e tabata tin problema for di tempran cu violencia y cu tin cu pensa tambe cu por ta ta un tratamento e tin mester. Si hues dicidi cu TBS ta indica, ta esey e lo haya.
No a haya abogado
E abogado ta traha na Hulanda. Riba e caso aki, el a splica cu e no ta wak con grave e caso ta. Solamente cu e por trece un bon defensa pa su cliente y esey ta loke el a haci.
Como un abogado, si un hende tin un caso, cu e por defende, e ta defende.
Tabata tin hopi emocion dimes den e sala. Ta algo cu a pasa cu mucha. Sinembargo el a bay rustig. CEA tabata tey y a tene tur hende bao di control. Awo tin cu warda e decision bin, aunke cu Martin mes a bisa cu el a haci algo fastioso y a acepta e delito.
Deseo di bay Hulanda
A haci e peticion pa e sospechoso bay Hulanda. El a nace na Hulanda y a biba mayoria di su bida na Hulanda. Awor aki e ta apart den KIA y no por garantisa su siguridad. Pesey a pidi pa e bay.
Hues lo bay dicidi kico lo ta e miho opcion, si sea e ta keda den KIA of ta bay Hulanda
