E cantidad di studiante na Universidad di Aruba ta varia na momento cu ta midi. Awor aki e ta rond di 650 studiante. Tambe e aña aki tabata tin 50 studiante di afo, cu ta di intercambio.
Tin un programa cu yama Erasmus Plus, y cu sosten di medionan Europeo, ta sostene studiantenan pa bin studia na Universidad y ta sostene e studiantenan pa bay studia afo. E studiantenan cu ta inscribi di Aruba pa pasa algun tempo afo y sigui parti di nan estudio den un otro pais. Ta haya cu studiantenan cu por bay por ehempel Belgica, Alemania of cualkier otro pais cu Universidad di Aruba tin colaboracion cun’e y di e paisnan ey ta ricibi studiante. A caba di ricibi den e periodo tras di lomba un cantida di 50 studiante cu a bin sigui nan estudio na Aruba.
Entrada
E entrada no ta 100% di gobierno, segun Glenn Thode rector di Universidad. Loke nan ta yama cual ley ta perscribi cual ta un landsbijdrage. Esey ta pais Aruba ta duna un sosten na Universidad. Esaki ta manera un sorto di lumpsum cu nan ta duna Universidad for di e presupuesto di Aruba. Esaki ta parti di e presupuesto di e universidad. E resto di e presupuesto di universidad ta entrada cu nan ta genera, pa medio di su actividadnan di ofrece tanto estudio y tambe curso, etc. cu lo tin un cierto cantidad di placa pa entrada pa nan.
Esaki ta mas of menos un reparticion di e mesun presupuesto ta door di sosten di gobierno y mas of menos 10% e presupuesto ta via di entrada cu Universidad mes ta genera. Esaki ta algo cu nan mes no tin den man tampoco pa cambia asina facil, pasobra e cantitad di tuition, inschrijfgeld y collegegeld cu ta pidi e studiantenan ta determina pa medio di e ley di universidad. No ta algo cu universidad mes ta dicidi di awe pa mañan. E college geld, pa medio di reglanan legal, ta ser determina y por bisa tambe cu e parti ey di nan presupuesto ta motibo cu tin su limitenan.
Presuesto pa aña
Presupuesto total pa aña di universidad ta 12 miyon florin. Universidad tin tur cos organisa pa por duna les. Esey ta un gran parti di dje ta naturalmente pa tin e bon docentenan. Esakinan ta hendenan cu ta sumamente studia. Toch pa por atraenan tin cu dunanan un salario cu ta rasonabel. E nivel di salarionan no ta asina halto, pero no ta abao tampoco. Tambe naturalmente tin cu mantene e edificionan, percura pa e leslocalnan ta bon. Pa e tecnologia ta na ordo. Tin suficiente buki den biblioteca etc. Tin hopi condicion cu tin cu crea cu ta na su luga pa por ofrece un estudio academico manera cu Universidad ta haci.
Docentenan inhouse
Universidad tin un cierto grupo nucleo di docente cu ta draai henter e facultad y pa e motibo ey, henter estudio y tambe investigacion cu nan ta haci, e grupo nucleonan aki riba nan mes, no ta suficiente pa ofrece tur loke ta ofrece. Alabes ta haci uzo di docentenan cu ta expertonan riba ciero terenonan cu ta ofrece den nan estudio, cu ta traha si na Aruba y Universidad ta contranan riba base di part time pa duna cierto lesnan, tuma e tentamennan. Tambe tin profesornan cu ta wordo yama bijzondere hoogleraren. Ta profesornan cu ta apunta cerca Universidad cerca profesor, pero nan ta profesornan tambe na otro Universidad. Basicamente nan cuna como profesor ta un otro universidad, pero nan ta ofrece nan experticio y un parti di nan tempo na Universidad di Aruba y hopi biaha nan ta den exterior y ta trece nan Aruba. Nan ta percura, hunto cu e team nucleo, pa tin un bon calidad di estudio, pa tin bon investigacion, pues nan ta percura pa semper tur cos ta na ordo, segun Thode.
