Diaranson den oranan di mainta pa merdia, Recherchenan a yega na un cas den Concordiabergweg pa haci un investigacion.
Den oranan di marduga tabatin un candela na parcela no. 14, unda cu den forma sorpresivo un camber a saca vlamnan. Mesora Bomberonan a yega na e sitio pa combati esaki y no tabatin daño personal.
Relaciona cu e caso aki di marduga, den oranan di mainta diferente miembro di Cuerpo Policial a yega na e adres pa cuminsa cu un investigacion. Inclusive por a mira presencia di miembronan di e Team Forensico di Cuerpo Policial. E motibo ta cu a base di informacion ricibi, tin sospecho cu ta trata aki di un candela intencional.
Sinembargo na momento cu a cuminsa cu investigacion na e sitio, un persona a yega na eynan y a cuminsa habri boca y a start un bringamento entre e homber aki y un persona di e cas. A dicidi di detene pa bringamento y pa e hecho cu el a stroba e Polisnan di haci nan trabou.
Na final el a bay den Dogcatcher y su auto, un Lexus preto a bay cu Takelwagen pa Warda di Polis.
