Botica di Servicio ta organisando un ‘Drive-Thru’ pa vacuna di Griep. Tur hende cu ta interesa por bin, diasabra 28 di november di 8 AM pa 11 AM, den e parking lot di Botica di Servicio Eagle. MedCare Clinic lo ta presente pa duna e vacuna na cada cliente cu presenta.
Ademas, cada cliente lo ricibi un regalo hunto cu nan vacuna; un mini handsanitizer y Vitamina C di Botica di Servicio. E vacuna ta costa 60 florin, ta pidi preferiblemente pa paga cu carchi di atm pero placa efectivo tambe ta acepta. Miembronan di Botica lo ricibi 10 florin di descuento.
Botica di Servicio ta invita un y tur pa tuma e oportunidad aki pa por tuma nan vacuna di griep. Ta pidi pa tur hende cu bin, pa bisti nan tapa boca. Botica di Servicio lo percura pa tur hende laba man ora di wordo yuda.
Si tin pregunta, por tuma contacto na [email protected] of yama Botica di Servicio na +297 6408443.
