Dos auto ta dal atrobe riba e caminda di Palm Beach. Aunke tabata tin hopi daño material, tog no tabata tin hende herida. Polis a presenta y sera e caminda parcialmente pa trafico. E pickup tabata bay direccion Hotel y e Ford tabata bay direccion Playa. Chauffeur di e pickup a splica cu el a brake pero e Ford tabata bin mucho duro.
E Ford a dal den e pickup Mitsubisji kibra e wheel di dilanti. E Ford a sigui bay medio dal den e luz di trafico. Ambos auto tabata tin mester di takelwagen pa movenan. E polisnan a tende cu kier pone rotonde na e crusada. DOW ta drecha e luznan y den apenas 20 min ya caba el daña atrobe. E fecha pa traha rotonde no a wordo menciona.
