Monique Giel Labad Tiener Consulent di Wit Gele Kruis tambe a hiba palabra ora cu a anuncia e Carousel di Carnaval. Nan rol ta pa pone e muchanan mas conciente riba actonan iresponsabel y e consecuencianan. E parti visual nan kier trece. Acto Iresponsabel y su Consecuencianan ta e tema cu nan kier trece pa e comunidad di Aruba. E parti di Loverboy y Marihuana ta loke a resalta mas entre e hobennan aña pasa. Por duna tur informacion pero mester mustre den practica tambe. Unavez bou influencia ta lubida hopi cos y haci cosnan robez. Via un video ta mira e consecuencia cu tin riba e uso di alcohol y droga. Mester mira dikon un mucha ta yega asina leu. Ta haci uso di e popchinan pa mustra e muestra con e droga cu e alcohol ta afecta e baby. Ora ta shake e baby cosnan por pasa cu e baby. E baby por muri of keda manera cu consecuencia. Marilyn Wout ta management asistent y PR di Douane. Durante e conferencia di prensa el a splica cu Douane tambe ta join e Carousel di Carnaval. Nan tin un team caba dunando demostracion y haciendo prueba cu e cachonan.
Mas y mas conciente e muchanan ta birando pero no ta mira e consecuencia. Muchanan ta wordo gaña pa asina yega na droga y transporta droga. Rullienne a splica cu e Caroussel ta pa scolnan secundario. Durante e conferencia a mustra tambe cu henter e grupo ta bay hunto. Ya caba durante e parada cu a pasa a mira basta movecion di muchanan bou influencia. E prome scol ya caba ta haya bishita. Ta bay cumisna cu dos scol pa siman y trata na bishita hasta tres scol pa siman.
