Diabierna anochi laat, habitantenan den bario di Cadushi Largo na Santa Cruz a spanta ora diripiente a scucha un zonido duro di un sla. Ora a core bay afo di nan cas, a topa dos Toyota Yaris na e T-kruising cu basta daño material.
Polis a yega mesora pa atende e acidente. Segun testigonan, un di e Toyotanan tabata bin di pariba mientras e otro auto tabata biniendo for di zuid cu intencion di subi e T-kruising.
Parce cu e auto, cu tabata bin di zuid, tabata di bay para na e t-kruising, pero na ultimo momento toch a subi e crusada sin duna preferencia na e Toyota cu tabata bin di pariba.
No por a evita e impacto mas cu resultado cu ambos auto a dal den otro. Ambulance a presenta na sitio pa check un di e chauffeurnan, pero no tabata necesario pa hib’e hospital.
Takelwagen tambe a presenta pa bay cu un di e autonan, mientras e otro a sigui riba propio forsa.
