Diaranson anochi banda di 7:45pm, polis a presenta cu urgencia na Paris Restaurant. Eynan un grupo di hoben di Bushiri a yega na e sitio cu intencion di agredi dos ruman homber cu tambe ta biba den Bushiri. E dos rumannan tabata cu nan mama. Riba caya a topa cu e grupo grandi di Bushiri y nan a tira palabra pa e dos rumannan y core bin pa agredinan. E dos rumannan no por bringa contra grupo di dies. Pesey mes nan a core bay direccion Paris Restaurant pa evita agresion.
A drenta e restaurant y core sconde den e cushina. Eyden a core yama Polis. Varios unidad a yega mesora na e sitio. Asina a topa cu e dos rumannan y nan a splica Polis kico a sosode. Tambe a mustra Polis unda e gang di Bushiri a bay. Polis a topa cu dos di e miembronan di e grupo cerca di Emmastraat cu Ranchostraat. A atende fuertemente cu nan. Djey a core cu nan.
