Varios stakeholder ta den reunion cu formado mr. Evelyn Wever-Croes pa asina e por scucha nan puntonan cu kier mira den e gobernacion. Aruba Food and Beverage Association (AFBA) a papia riba e topiconan cu ta afecta nan sector, specialmente e economia local di Aruba. Tin un brug entre esunnan cu no tin trabou cu e companianan cu mester di hende. Aworaki no ta trata e topico aki.
Daniel Ferrara, presidente di AFBA, a splica cu nan ta pasando den obstaculo door di e crisis, specialmente den e parti di empleo entre otro pa haya hende traha den restaurant, e parti horeca, e barnan di Aruba. Tambe pa mira con por lanta cabes den e crisis aki, cual e ta spera ta yegando su final.
Awo tin e situacion cu Aruba su turismo ta yegando bek na 100% y ainda tin apoyo di gobierno manera FASE, subsidio, pakete di cuminda. Si e mercado a cuminsa habri bek y turismo ta yega 100% of un surplus riba 100%, tin di cuminsa atende cu e parti di combina of traha un serie di hende cu ta sin trabou y e companianan cu mester di hende pa traha. Eynan tin un brug cu no ta atendiendo cu ne awo. Segun Ferrara, AFBA a duna formado algun idea caba.
Formado tin un idea con tur cos ta, pero e ta kere cu algun gremio tambe. E punto cu tin ta pa mira con ta cambia e structura p’e proximo seis lunanan di aña. E temporada di high season ta bay drenta y mester prepara hende p’esaki. Tambe tin varios hotel cu ta den construccion y uno bastante grandi ta terminando. Esey ta nifica cu mester atende e hecho cu falta hende p’e companianan. A duna diferente idea y un di nan ta orientacion.
Pa cobertura mas amplio, lesa e edicion di TREMPAN mañan.
