Dialuna den careda di 8:10PM un person a bati alarma na momento cu el a mira personanan tabata horta na e deposito di Lucky Store, unda cu a kima poco dia pasa. Ora polis a yega a topa cu dos persona na e sitio ta haci cosnan di sospechoso.
A papia cu nan y a bin haya sa cu nan a horta un motor di un airco kima. E personanan aki tabatin e motor den e van chikito cu nan tabata cu ne. Di biaha e agentenan policial a duna ordo pa nan pone e motor di airco bek.
E personanan a haci caso y a pone esaki bek. Na momento cu nan ta cla pa bandona e sitio, e agentenan a hala nan atencion. A bisa nan cu si mañan e airco no t’ey na e mesun luga unda a lag’e, lo busca nan y pone nan para responsabel p’e motor di e airco. A tuma tur dato di ambos persona.
