Diamars atardi a sosode un caso di persecusion. Polisnan tabata bezig patruyando den area di Paardenbaaistraat. Na dado momento a topa un auto Tercel sin number riba caya. A bay tras di e auto y duna señal na e chauffeur pa e stop.
E no a stop. El a escoge pa purba core pa Polis. Polis a cuminsa persecusion cu a cuminsa na Paardenbaaistraat y caba mas den e area di Driemasterstraat. A instrui e chauffeur pa para completamente.
A baha e chauffeur for di e auto y detene. Un otro ocupante tambe nan a detene. Polis a confisca e auto Tercel. Subi caya cu auto sin belasting paga of papelnan no na ordo ta prohibi pa ley.
