Prome Minister Evelyn Wever Croes a confirma cu e casonan di personanan interna den hospital ta 4.
Aunke un di nan ta den Cuido Intensivo, su situacion ta stabiel a bini dilanti den e conferencia di prensa. E personanan interna ta entre 40 y 71 aña.
A test 682 persona di cual 55 a sali positivo, cu ta 8% di e total. Gobierno ta boga pa test mas tempran, pa detecta e virus mas tempran posibel.
E mandatario a bisa cu hende ta yega intensive care ta algo cu kier a evita, pa cual e ta pidi pa comportacion di tur hende. “E virus no ta bin parti na bo porta, pero abo ta esun cu ta bay riba caya piki’e y hib’e bo cas cerca bo famia. P’esey nos mester di bo cooperacion,” e mandatario a bisa.
Awe a bini 5 caso extra pa hacie total 55. Di e total aki, 16 ta di e kluster di hospital.
E strategia di test ta dunando resultado.
El a papia tambe di e taskforce cu awe a bishita 28 hende cu tabata riba lista di cuarentena. Un di nan no tabata na cas, pero riba caya. Mesora el a haya un boet. E taskforce lo bishita den e proximo dianan tur e 1000 personanan cu ta den cuarentena.
E virus no ta descrimina y ta keda den man di cada persona pa evita di hay’e. Por haci denuncia di violacion di cuarentena riba www.arubacovid19.org
Gobierno ta sacando tur medio posibel di cashi pa domina e virus pero mester di ayudo di e ciudadanonan.
