Den careda di 8:10 pm central di polis a haya notifica di un atraco cu mester a caba di tuma luga den Tanki Leendert. A informa nan cu esaki tabata na un apartamento na Tanki Leendert.
Na yegada di e patruya policial, e agentenan a bin compronde cu tabata trata di dos hende homber bisti cu capuchon y cara completamente tapa na preto. Nan a drenta e apartmento c’un arma di candela y atraca e pareha. E hombernan aki a papia Spaño.
Nan a bay cu 2 telefoon, 1 cadena di oro, 1 holoshi, un yabi auto mas $1500,- y afl 800,-. E victimanan no por a mira den ki direccion e atracadonan por a huy. Diferente unidad di polis a cuminsa busca p’e sospechosonan aki.
Atraco Team a presenta na e sitio, pero tambe polis technico y slachtofferhulp. Esunnan cu sa algo of a mira algo ta pidi pa yama e tiplijn di polis 11141.
