Un chauffeur coriendo duro y den forma iresponsabel a causa accidente y keda herida. Ademas un señora sinta den un SUV tambe a keda herida pa e coremento ireponsabel di e otro chauffeur. E SUV Hyundai A-36724 tabata bahando for di Mei Veld yegando rotonde na Cumana.
Pasando riba e T-Weg cu ta sali for di San Barbola e chauffeur cu e Suzuki Swift Blanco A-20223 a dal den su banda di pasahero y masha duro. E señora sinta patras na banda a haya e impacto den su banda y a keda herida cu dolornan na curpa. E chauffeur di e Swift tambe a keda herida cu golpi na pecho y su auto a keda tur destrui dilanti. Polis a yega mesora. Nan a pidi pa ambulance. Paramediconan a atende cu ambos victima. No ta conoci dikon e chauffeur cu e Swift A-20223 tabata core asina iresponsabel y yega un caminda di duna preferencia sin para.
