Diasabra merdia unidadnan di Polis a wordo manda cu urgencia den direccion di Bak Val. A drenta informacion cu tin un pelea andando. Bisiñanan a scucha grito riba caya. Ora cu nan a sali mira a constata cu ta un homber y un muher tin problema cu otro.
E prome unidad di Polis cu a yega na e sitio a constata cu no tin nada riba caya. Despues a yega dos unidad mas. A logra papia cu e bisiñanan y nan a splica Polis tur loke a sosode. A splica tambe cu e homber y e muher a subi den un auto cada uno y bandona e sitio despues. Nan a bay zuid pero despues nan no sa si nan a bay direccion Marriott of Saliña Cerca. Polis a haya descripcion di e autonan y a keda di tira bista. Tur informacion duna di bisiñanan a wordo nota.
