Diabierna a tuma luga un ‘instalatiezitting’, caminda hues nobo y hues cu a traslada di un corte pa otro, a introduci of rreintroduci na pueblo di Aruba.
Segun presidente di Corte Comun di Husticia, mr. Mauritsz de Kort, ta trata aki di cinco hues, di cual tres cu a bin di Hulanda di un periodo di tres pa cinco aña, esta mr. T.A.M. Tijhuis, mr. W.C.E. Winfield y mr. J.A. van Voorthuizen y dos cu ta yiu di tera, cual ta hues A.J. Martijn y U.I.D. Luydens cu a traslada di Corsou pa traha na Aruba.
mr. de Kort ta desea e huesnan nobo cu a instala tur cos bon y semper tene na cuenta e circunstancianan den cua nan ta traha. E circunstancia di e pais cu ta sirbi, pa tene cuenta cu esey.Pa nan ta gaweta pa sa y siña di nan pais nobo caminda cu nan ta biba awo y den e sistema di cual nan ta traha y e hendenan cu ta biba riba e pida baranca aki.
E PAPEL DI PRENSA DEN CORTE
Den e mesun rosea, mr. De Kort a splica cu mester respeta e rol di prensa cu ta un rol inmensamente importante p’e derecho di expresion, e derecho di duna informacion. E rol di prensa tambe ta sostene loke hof tin cu haci cu ta duna “openbaarheid’ di e sesionnan di corte. Di un otro banda, haciendo esey prensa por dal den e derecho di privacidad di e personanan cu ta participa den e casonan y esey tambe hof tin cu tene cuenta cu ne.
De Kort a menciona di a elabora riba nan persrichtlijnen existente cu lo ta modernisa y ta spera cu por drenta na vigor dia prome di october proximo pa mustra di ki manera por facilita prensa pa nan cumpli cu nan rol, pero tambe teniendo na cuenta e derechonan di privacidad y otro interes manera di siguridad, ora ta trata caso.
KEDA CAWETA
Pa loke ta trata prensa, mr. de Kort ta desea nan pa nan sigui haci nan trabao y semper si den cada un accion cu nan tuma nan puntra nan mes si esey ta necesario proporcional, den e meta cu nan kier logra cu ta informa pueblo noticia. No solamente pa cumpli cu un necesidad di ta caweta.
