Dos auto RHD a dal den otro na San Barbola

Diaranson atardi den alrededor di 3or a sosode un accidente na San Barbola entre dos RHD. Un color cora y e otro blanco. Ambos chauffeur tabata tira culpa riba otro. Un no a hala pa otro y a accidenta den un bocht den sercania di “Charlie Rumshop”. E auto cora tabata biniendo for di direccion di “Charlie Rumshop” y e blanco for di zuid. Door di e impacto e airbag di e auto blanco a sali y e chauffeur a resulta levemente herida. Ambulance a presenta na sitio pa brind’e chauffeur asistencia medico na sitio. Polis di trafico a cuminsa cu investigacion mesora pa haya sa ken tabata fout den e accidente aki.