Diadomingo atardi a sosode un accidente na Linear Park. E chauffeur cu e Kia A-29438 a drenta un area prohibi pa vehiculo di motor. E ta e pida unda hendenan por cana of core bicicleta. A drenta e zona y bay reverse. Den e proceso no a paga tino y a bay cay den e area caminda awasero ta core pa lama.
E forma cu e auto a cay tabata poco complica pa e mes por sali bek riba caminda. E chauffeur conoce e area si ta bon den su planta di man pasobra ta doño di Hamaka algun meter mas leu. Solamente cu el a bay core unda pa regla no mas tey vehiculo di motor. Ta bon mes no tabata tin hende cerca ora a reverse sin paga tino.
Personal di seguro a ser avisa y despues di analisa e situacion a presenta e takelwagen pa saca e auto for di e situacion cu el a keda aden. Probablemente na e parti abou lo tin sla ora di e caida y ora di saca e auto cu takelwagen.
