Diadomingo den oranan di merdia ta pidi pa Polis na un cas na Madiki. Parce cu eynan a bin haya un brommer cu nan a horta na San Nicolas. Polisnan cu a bay na e sitio despues a pidi pa un pick-up policial pa transporta un brommer cu a keda confirma ta esun cu a wordo horta algun dia atras na San Nicolas.
E ladron nan no a detene ainda pero si a detene e homber cu ta biba na e adres ey. Ta parce, segun e mes a bisa na e sitio, cu e no tabata sa cu e brommer ta horta y e no conoce personalmente e persona cu a trece e brommer eynan. Ta via di Facebook e persona a tuma contacto cun’e pa supla e brommer pa un otro color.
Segun el a splica, e ta conoci pa supla bais, brommer y auto. Hopi di su clientenan e ta haya via di Facebook, mescos cu den caso di e brommer aki. Ora cu nan a acorda un prijs, e homber a trece e brommer p’e. Na momento cu el a bay trata di contact e homber bek via di messenger, a resulta el a blok e di su lista. Polisnan a dicidi di bay cun’e warda.
