Awe diasabra cabesante di Prinses Amalia Basisschool a informa tur mayor cu un juffrouw di 2de klas a test positivo pa Coronavirus. E tabata AO diabierna pasobra el a desaroya sintoma. Awe el a haya resultado di e test. No solamente e ta positivo, sino por lo menos un alumno den su klas tambe ta positivo. Dialuna lo haci mas test cu otro alumnonan cu por tin sintoma caba.
Directiva di scol a tuma contacto cu DPS y DVG cu a dicidi di laga tur mucha den e klas keda cas pa dos siman. A pone un otro juffrouw pa yuda e klas, pero ainda no a dicidi con. Lo tene un encuesta bou di e mayornan pa mira si ta desea di duna les virtualmente via computer durante e dos simannan cu ta bin. Lo mester check si tur alumno den 2de klas tin acceso na computer of si nan tin internet.
E maneho na Prinses Amalia Basisschool ta diferente na otro scolnan. Por ehempel siman pasa un docente a contagia na Colegio Conrado Coronel y a opta pa cera henter e scol. Aki na PAB a aplica un maneho diferente y a manda e klas en cuestion so cas, e docente den isolacion y tur alumno den cuarentena. Te ainda ta un alumno den e klas so a test positivo ainda, sperando e otronan bay test dialuna.
