Mas trempan a presenta un fayo den suministro regular di coriente, despues di constata un fayo na altura di casnan di pueblo di FCCA na Brazil. Pa ora cu a caba di resolve e fayo, ata ta presenta un di dos reto pero na Savaneta, cu consecuencia cu un otro bario pariba di brug a keda sin coriente. Tecniconan di NV Elmar ta trahando duro pa por descubri e “kabelstoring” pa por “bypass” e fayo pa por reconecta coriente atrobe.
E prome fayo a percura pa varios bario a keda sin coriente. Riba rednan social a nota cu publico a reacciona disgusta cu cada pasa algun luna, barionan specificamente di pariba di brug, ta haya nan cu e tipo di inconveniencia asina, esta perdida di coriente den oranan crucial. E disgusto a aumenta ora cu un rato despues cu tur hende a haya coriente bek, cu atrobe ta presenta un di dos fayo pero na Savaneta pabou, pa cual otro barionan a perde suministro regular di coriente.
