DLS ta den full swing cu su trainingnan. Segun Jerrino Ridderstap, preparacionnan ta tumando luga pa loke ta update di e repertorio pa e paradanan di carnaval cu falta. DLS ta bezig cu un update tremendo, un variacion total.
A scoge canticanan cu ta hopi gusta y pidi, tanto local di e diferente bandanan cu ta zonando, como tambe canticanan internacional.
Nan a train un repertorio hopi amplio, pa asina nan tin un repertorio completamente varia tambe pa tur e participantenan cu a join Infinity Carnival Group, cual ainda tin luga disponibel. Tin sigur sigur specialnan tambe ainda, cu por join pa loke ta e ultimo paradanan di Carnaval 66.
Tumba den parada
Jerinno a splica tambe cu manera semper cu ta toca e tumba ganado den parada. Semper nan ta toca mita di e tumba bay abao, cual ta e parti mas cayente, cual ta e parti di pregon bay abao. Esey ta e parti cu e hendenan gusta mas y esaki no lo ta excepcion.
Jerinno tin algun idea manera e tumbanan cu nan a yega di haci, esta bolter e tumba hink’e den soca.
Pa e fanaticada
Pa loke ta e fanaticonan di DLS, e invitacion ta keda pa join nan pa carnaval 66. Ainda bo ta na tempo. Cua parada cu bo kier join, tin open premium bar, tin diferente tema. Pa Sunset tin Infinity Love. Pa Parada di Luz di Wild & Sexy. Tambe tin opcion pa si bo kier bay Lighting so, of p’ariba so of un pakete completo, con cu abo kier, cu Open Premium bar y Snacks.
Pa esnan cu no ta join gruponan di carnaval cu ta para na banda, enjoy carnaval, disfruta di e gruponan cu ta bay buta un bon show riba caminda pa loke ta bira Carnaval 66.
